GÖZDƏN ƏLİLLƏR CƏMİYYƏTİNİN İLLİK YIĞINCAĞI KEÇİRİLMİŞDİR
AZƏRTAC xəbər verir ki, Azərbaycan Gözdən Əlillər Cəmiyyətinin (Az GƏC) III ümumrespublika yığıncağı keçirilmişdir. Qurumun rəhbəri Səmiyar Abdullayev cəmiyyətin il ərzində əldə etdiyi uğurlar və həyata keçirdiyi tədbirlər barədə hesabat məruzəsi etmişdir. Bildirmişdir ki, bu il “Kor və zəif görən insanların informasiya texnologiyalarından istifadə etmələri və təlimlər” layihəsi hazırlanmış, gözdən əlillərin sosial-iqtisadi vəziyyətinin yaxşılaşdırılmasına kömək məqsədi ilə müxtəlif tədbirlər görülmüş, yataqxanaların təmiri üçün 37 milyon 720 min manat vəsait ayrılmış, milli bayramlar və digər daxili tədbirlərlə əlaqədar 740 əlilə 20 milyon 540 min manat məbləğində vəsait sərf olunmuşdur. Gözdən əlillərin Brayl əlifbalı nəşrlərə olan ehtiyaclarını ödəmək məqsədi ilə İsveçdən Brayl elektron çap maşınının və 3 ədəd yüksək konfiqurasiyalı kompüter dəstinin alınması üçün, ümumilikdə, 40 milyon 200 min manat məbləğində vəsait sərf olunduğunu da bildirən S.Abdullayev, ölkəmizdə 300 mindən artıq əlildən 40 mininin məhz kor və zəif görən insanlar olduğunu və dövlətimizin onların yaşayış şəraitnin yaxşılaşdırılmasına, təhsil və səhiyyə sahələrində problemlərinin həllinə daim qayğı göstərdiyini diqqətə çarpdırmışdır.
