Güclü yağış nəticəsində Yunanıstanda yüzlərlə binanı su basıb, nəqliyyat iflic olub
Afina, 15 oktyabr, AZƏRTAC
Güclü yağış səbəbindən Yunanıstanın paytaxtı Afinada və digər şəhərlərdə yüzlərlə binanı su basıb, nəqliyyat iflic olub, maşınlar yollarda qalıb. Paytaxtın yanğınsöndürmə xidmətinə evlərdən su çəkmək üçün 300-dən çox müraciət edilib.
Mülki müdafiə və iqlim dəyişikliyi naziri Xristos Stilianidisin sözlərinə görə, xilasedicilər Korfunun şimal-qərbindəki ucqar bölgələrdə insanları çıxarmaq üçün vertolyotlardan istifadə edirlər.
Hökumət qəzaların qarşısını almaq üçün zərər çəkmiş bölgələrdə yaşayanların mobil telefonlarına yunan və ingilis dillərində xəbərdarlıq siqnalları göndərir.
İqbal Hacıyev
AZƏRTAC-ın xüsusi müxbiri
Afina
Bölmənin digər xəbərləri
