GÜN ƏRZİNDƏ 31 CİNAYƏT FAKTI QEYDƏ ALINMIŞDIR
Daxili İşlər Nazirliyinin mətbuat xidmətindən AZƏRTAC-a bildirmişlər ki, sentyabrın 2-də respublika ərazisində qeydə alınan 31 cinayət hadisəsindən 19-nun, həmçinin ötən günlərdən bağlı qalmış 16 cinayətin üstü açılmışdır.
Cinayət Məcəlləsinin müxtəlif maddələri ilə axtarışda olan 10 nəfər keçirilmiş əməliyyat tədbirləri nəticəsində tutularaq istintaq orqanlarına təhvil verilmişdir.
Daxili işlər orqanlarının əməkdaşları narkotiklərlə əlaqədar 5, qanunsuz saxlanılan silah-sursatla bağlı 3 fakt müəyyən etmiş, müxtəlif növ cinayət törətdiklərinə görə 34 nəfəri tutmuşlar.
Gün ərzində 4 yol-nəqliyyat qəzası baş vermiş, bir yanğın hadisəsi qeydə alınmışdır.
Bölmənin digər xəbərləri
