Gürcüstan parlamenti yeni hökumətə etimad göstərilməsi proseduruna başlayıb
Tbilisi, 5 fevral, AZƏRTAC
Gürcüstan parlamentində yeni hökumətə etimad göstərilməsi prosedurlarına başlanılıb.
AZƏRTAC xəbər verir ki, parlamentin dörd komitəsinin birgə iclasında səhiyyə, daxili işlər, təhsil və elm nazirlərinin vəzifələrini icra edən namizədlər dinlənilib. Onlar öz sahələrində həyata keçirilən islahatlar, hazırlanan proqram layihələri barədə çıxış ediblər.
Müzakirələr zamanı müxalifətdən olan bir sıra deputatların qıcıq yaradan sualları etirazlara səbəb olub. Bəzi müxalifət deputatları zaldan çıxarılıb.
Qeyd edək ki, yeni hökumət üzvləri və hökumətin dörd illik fəaliyyət planı parlamentin komitələrində, fraksiya və siyasi qruplarında müzakirə edildikdən sonra plenar sessiyaya çıxarılacaq. Hakim “Gürcü Arzusu” partiyasının Baş nazir postuna namizədi İrakli Kobaxidze hökumətin proqramını cümə axşamı günü deputatlara təqdim edəcək və daha sonra etimad səsverməsi keçiriləcək.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
