Gürcüstan Türkiyə və Azərbaycanla strateji tərəfdaşlığa böyük önəm verir
Tbilisi, 29 yanvar, AZƏRTAC
Gürcüstan Türkiyə və Azərbaycanla strateji tərəfdaşlığa böyük önəm verir və bunu yüksək qiymətləndirir.
AZƏRTAC xəbər verir ki, bu sözləri Gürcüstanın ABŞ-dakı səfiri David Bakradze Cənub Qaz Dəhlizi layihəsinin tamamlanmasına həsr olunan onlayn vebinarda söyləyib.
Diplomat deyib ki, Gürcüstan-Türkiyə-Azərbaycan üçtərəfli əməkdaşlığı son illər yüksək səviyyəyə çatıb və mühüm əhəmiyyət kəsb edən əməkdaşlıq nəqliyyat və enerji dəhlizlərinin inkişaf etdirilməsi ilə nəticələnib.
Qeyd edib ki, Cənub Qaz Dəhlizi bölgədə tərəqqi və sabitliyə, həmçinin Avropa və Avroatlantik məkanın enerji təhlükəsizliyinə töhfə verir.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
