GÜRCÜSTANDA 30 MİNƏDƏK ADAM SİLAHINI QEYDİYYATDAN KEÇİRİB
AZƏRTAC-ın xüsusi müxbiri xəbər verir ki, ötən il Gürcüstanda odlu silahdan atəş nəticəsində 300 nəfər həlak olmuşdur.
Hazırda ölkədə 30 min nəfərədək adam rəsmi qeydiyyatdan keçmiş odlu silah sahibidir. Ekspertlərin rəyinə görə, onların sayı statistikada göstəriləndən artıqdır. Çünki hələ də əhalidə qeyri-qanuni saxlanılan silah vardır.
X X X
Dörd nəfər maskalı quldur gecə Marneuli şəhərinin sakini Elman İsmayılovun evinə girib ailə başçısını təhqir etmiş, pulu və qiymətli əşyaları götürüb aparmışdır.
Marneuli Rayon Polis İdarəsindən verilən məlumata görə, hadisə ilə bağlı cinayət işi qaldırılmışdır.
X X X
Zuqdidi rayonunun Şamqona kəndi ərazisində kriminal qrupun üzvləri polis dəstəsini atəşə tutmuş, nəticədə 4 nəfər polis yaralanmış, 1 polis isə hadisə yerində həlak olmuşdur.
Bölmənin digər xəbərləri
