Gürcüstanda daha 1236 nəfərdə koronavirus aşkarlanıb
Tbilisi, 16 yanvar, AZƏRTAC
Son sutka ərzində Gürcüstanda 15 min 152 nəfər koronavirusa görə test olunub. Nəticədə 1236 nəfərdə COVID-19 virusu aşkarlanıb.
AZƏRTAC xəbər verir ki, bu barədə Gürcüstan hökumətinin xüsusi rəsmi stopgov.ge saytında məlumat yerləşdirilib.
Bildirilib ki, aparılan intensiv müalicə nəticəsində 2189 nəfər sağalıb, 23 pasiyent pandemiyanın qurbanı olub.
Ölkədə indiyədək COVID-19 infeksiyasına yoluxanların ümumi sayı 247025-ə, müalicə olunanların sayı 231 min 385-ə ölənlərin sayı isə 2916-ya çatıb.
Hazırda ölkədə 12 min 698 aktiv koronavirus xəstəsi var.
Gürcüstan üzə kovid otellərdə 638, karantin zonalarında 528, özünütəcrid rejimində isə 24 min 106 nəfər var.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
