Gürcüstanda həkimlər arasında koronavirusa yoluxma halları yenidən artıb
Tbilisi, 14 noyabr, AZƏRTAC
Gürcüstanda həkimlər arasında koronavirusa yoluxma halları artıb. Bu günədək ölkədə 4 min 666 tibb işçisində koronavirus təsdiqlənib.
AZƏRTAC xəbər verir ki, bu barədə Gürcüstan Səhiyyə Nazirliyinin Xəstəliklərə Nəzarət və İctimai Sağlamlıq Milli Mərkəzinin rəhbəri Amiran Qamkrelidze məlumat verib.
Onun sözlərinə görə, bu göstərici ümumi yoluxanların 6,4 faizini təşkil edir.
Bildirilib ki, sentyabrın 1-ci həftəsinədək Gürcüstanda cəmi 140 tibb işçisində koronavirus aşkarlanıb. Oktyabrın sonunda isə bu rəqəm 1678 olub.
Hazırda isə bu rəqəm 4 min 666-ya çatıb.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
