Gürcüstanda illik inflyasiya 11,9 faizə yüksəlib
Tbilisi, 5 avqust, AZƏRTAC
Gürcüstanda illik inflyasiya 11,9 faizə yüksəlib.
Gürcüstanın Milli Bankı inflyasiya və qlobal maliyyə böhranını nəzərə alaraq uçot dərəcəsini daha 0,5 faiz bəndi artıraraq 10 faizə çatdırıb.
AZƏRTAC xəbər verir ki, bu barədə Gürcüstan Milli Bankından məlumat verilib.
Məlumatda deyilir ki, son zamanlar yüksək inflyasiya qlobal problemə çevrilib və iyulda bir çox ölkələrdə qiymət artımı proqnozları üstələyib. Ötən ay Gürcüstanda da illik inflyasiya gözlənilmədən ən yüksək həddə - 11,9 faizə yüksəlib.
Gürcüstan Milli Bankı inflyasiyanın 2022-ci ildə azalacağını və tədricən orta müddətli 3 faizlik hədəf göstəricisinə yaxınlaşacağını proqnozlaşdırır. İqtisadiyyatda və maliyyə bazarlarındakı proseslər davamlı olaraq izlənilir və qiymət sabitliyini təmin etmək üçün bütün mümkün vasitələrdən istifadə ediləcək.
Xətayi Əzizov
AZƏRTAC-ın xüusi müxbiri
Tbilisi
Bölmənin digər xəbərləri
