Gürcüstanda koronavirusa yoluxanların sayı 713 nəfərə çatıb
Tbilisi, 20 may, AZƏRTAC
Gürcüstanda koronavirusa yoluxanların sayında artım qeydə alınıb.
AZƏRTAC xəbər verir ki, bu barədə Gürcüstan hökumətinin yaratdığı rəsmi stopcov.ge saytında məlumat verilir.
Bildirilir ki, mayın 20-nə olan məlumata görə, Gürcüstanda COVID-19 virusuna yoluxanların sayı 713 nəfərə çatıb.
Bundan əlavə, koronavirusa yoluxmuş daha 3 nəfər Gürcüstan vətəndaşı xarici ölkələrdən gətirilib. Bu günədək bu virusa yoluxmuş 475 nəfər sağalaraq evə buraxılıb. 12 nəfər COVID-19 virusundan dünyasını dəyişib.
Hazırda daha 3519 nəfər karantində, 351 nəfər isə stasionarda saxlanılır.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
