Gürcüstanda koronavirusa yoluxma halları yenidən kəskin artıb
Tbilisi, 23 noyabr, AZƏRTAC
Gürcüstanda koronavirusa yoluxma halları yenidən kəskin artaraq 5 min nəfəri keçib. Son sutkada ölkədə daha 5 085 nəfər koronavirusa yoluxub, 4 428 nəfər müalicə olunaraq sağalıb, 62 pasiyent pandemiyanın qurbanı olub.
AZƏRTAC xəbər verir ki, bu barədə Gürcüstan hökumətinin rəsmi stopgov.ge saytında məlumat yerləşdirilib.
Bildirilir ki, bununla da ölkədə, COVID-19 infeksiyasına yoluxanların ümumi sayı 819 182-ə, sağalanların sayı 759 727-yə, bu virusdan ölənlərin sayı isə 11 615-ə çatıb.
Qeyd olunur ki, hazırda ölkədə 47 884 aktiv koronavirus xəstəsi var.
Bundan başqa, 1103 nəfər klinik otellərdə, 58 nəfər karantin rejimində, 44 925 nəfər isə özünütəcrid rejimindədir.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
