GÜRCÜSTANDA YENİ ŞƏHADƏTNAMƏLƏRİN ON BİR MÜDAFİƏ NİŞANI OLACAQDIR
AZƏRTAC-ın xüsusi müxbiri xəbər verir ki, Gürcüstan Ədliyyə Nazirliyinin qərarı ilə 2004-cü ilin sentyabrından vətəndaşlıq vəziyyəti aktları və qeydiyyat vəsiqələri dəyişdiriləcəkdir. Nazirlikdən verilən məlumata görə, 2002-ci ilin mayından həmin sənədlər ağ kağız üzərində çap olunurdu və cəmi 7 müdafiə nişanı var idi. Yeni sənədlərdə isə 11 müdafiə nişanı vardır ki, bu da saxtakarlığa yol verilməsi imkanını aradan götürür. Müdafiə şəbəkəsi, çərçivə, ornament hər bir sənəd üçün fərdidir. Buna görə də onları saxtalaşdırmaq qeyri-mümkündür. Yeni sənədlərin hazırlanması əvvəlkilərdən baha başa gəlsə də, doğum və ölüm haqqında şəhadətnamələr yenə də pulsuz veriləcəkdir.
Bölmənin digər xəbərləri
