Gürcüstanın dövlət naziri ölkə müsəlmanlarını Ramazan bayramı münasibətilə təbrik edib
Tbilisi, 25 may, AZƏRTAC
Gürcüstanın müsəlman icması çoxkonfesiyalı ölkəmizin ayrılmaz hissəsidir.
AZƏRTAC xəbər verir ki, bu fikirlər Gürcüstanın Barışıq və Vətəndaş bərabərliyi məsələləri üzrə dövlət naziri Ketevan Tsixelaşvilinin müqəddəs Ramazan bayramı münasibətilə ölkə müsəlmanlarına ünvanladığı təbrik məktubunda əksini tapıb. Ölkə müsəlmanlarını Ramazan bayramı münasibətilə təbrik edən nazir müsəlman həmvətəndaşlarına cansağlığı, sülh və əmin-amanlıq arzulayıb.
K.Tsixelaşvilinin təbrik məktubunda deyilir: "Müsəlman icması çoxkonfessiyalı Gürcüstanın ayrılmaz hissəsidir. Tarixən ölkədə müxtəlif dinlərə məxsus insanlar qarşılıqlı hörmət və birgə sülh şəraitində yaşayıblar. Bu ənənə hazırda davam edir və daha da güclənir”.
Dövlət naziri ölkədə yaşayan müsəlmanlara koronavirus pandemiyası dövründə nümayiş etdirdikləri yüksək vətəndaş məsuliyyətinə görə minnətdarlıq edib.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
