HANSI XALQIN SOYQIRIMA MƏRUZ QALDIĞI DÜNYA İCTİMAİYYƏTİNƏ SÜBUT OLUNMALIDIR
AZƏRTAC xəbər verir ki, yanvarın 19-da Dünya Azərbaycanlılarının Əlaqələndirmə Şurasının qərargahında 20 Yanvar faciəsinin 16-cı ildönümü ilə əlaqədar tədbir keçirilmişdir. Müxtəlif təşkilatların nümayəndələrinin, o cümlədən İngiltərə, İsveç və Türkiyədən gəlmiş qonaqların iştirak etdiyi tədbirdə Qanlı Yanvar faciəsi zamanı şəhid olmuş qəhrəman Vətən oğullarının xatirəsi bir dəqiqəlik sükutla yad edilmişdir. Çıxış edən natiqlər hadisənin başvermə səbəblərindən, acı nəticələrindən danışmış, xaricdə fəaliyyət göstərən diaspor təşkilatlarımızın 20 Yanvar, Xocalı soyqırımı və digər faciələrimizlə bağlı tədbirlər keçirmələrinin vacibliyini vurğulamışlar. Qeyd olunmuşdur ki, xarici ölkələrdəki Azərbaycan icmaları bu cür faciələrimizlə bağlı tədbirlər keçirməklə həqiqətən soyqırıma hansı xalqın məruz qalmasını dünya ictimaiyyətinə və dövlətlərinə sübuta yetirilməsinə nail olmalıdırlar.
Yanvarın 20-də Şuranın, Dünya Azərbaycanlıları Konqresinin üzvləri və xaricdən gələn qonaqlar Şəhidlər xiyabanında olmuş, onların ruhunu ehtiramla anaraq məzarları üstünə gül-çiçək dəstələri qoymuşlar.
Bölmənin digər xəbərləri
