HƏRRACLARDA ƏN BÖYÜK ARTIM REPO ƏMƏLİYYATLARI SEKTORUNDA VƏ NOTLARIN TƏKRAR BAZARINDA OLMUŞDUR
AZƏRTAC xəbər verir ki, 2008-ci ilin yanvar-avqustunda Bakı Fond Birjasında (BFB) bütün alətlər üzrə aparılmış əməliyyatların ümumi məbləği 5 milyard 259 milyon 676 min manat təşkil etmişdir. Bu, ötən ilin müvafiq dövrü ilə müqayisədə 198,10 faiz çoxdur. Əməliyyatların 97,33 faizi dövlət qiymətli kağızlarının payına düşmüşdür.
Ümumiyyətlə, həmin müddətdə BFB-də keçirilmiş hərracların nəticələri ötən ilin müvafiq dövrü ilə müqayisədə dövlət qısamüddətli istiqrazlarının yerləşdirilməsi üzrə 145,71 faiz, qısamüddətli notların (təkrar bazar) yerləşdirilməsi üzrə 272,86 faiz, repo əməliyyatları üzrə 337,05 faiz, korporativ istiqrazlar (təkrar bazar) üzrə isə 220,14 faiz çox olmuşdur.
Səhmlərin yerləşdirilməsi üzrə ilkin bazarda 45,55 faiz, təkrar bazarda isə 98,92 faiz azalma müşahidə olunmuşdur.
