HİNDİ TAYFA BAŞÇISININ NƏVƏSİ BABASININ CƏNAZƏSİNİN QALIQLARINI QAYTARMAĞI XAHİŞ EDİR
Bu yaxınlarda Yel Universiteti aliminin dərc etdirdiyi məktubda “Qafa tası və sümüklər” adlı məxfi universitet cəmiyyətinin meydana gəlməsi tarixindən danışılır.
Birinci Dünya müharibəsi illərində Yeldən olan könüllülər - onların arasında ABŞ Prezidenti Corc Buşun babası da vardı - Oklahoma ştatındakı Sill istehkamında xidmət edirdilər. Müstəmləkəçilərə müqavimət göstərmiş hindilərin son rəhbəri Ceronimonun məzarından onun qafa tasını və sümüklərini də məhz onlar çıxarmışdılar.
Sonralar hindinin qalıqları Yel Universitetinə gətirilmiş və burada onlardan məxft “Qafa tası və sümüklər” cəmiyyətinin üzvləri “qotik” mərasimləri zamanı istifadə etməyə başlamışlar.
Yeri gəlmişkən, həm Corc Buşun, həm də Con Kerrinin “Qafa tası və sümüklər” cəmiyyətinin üzvləri olduğu barədə informasiyanı jurnalistlər 2004-cü ilin prezident seçkiləri ərəfəsində üzə çıxarmışlar.
İndi Ceronimonun nəvəsi tələb edir ki, babasının qalıqlarının ona qaytarılmasında Ağ ev köməkçi olsun. Hindi adətinə görə, Ceronimonun məzarı təhqir olunduqdan sonra o, xüsusi mərasimlərin müşayiəti ilə yenidən dəfn edilməlidir.
Bölmənin digər xəbərləri
