HİNDİSTAN ASİYADA ƏN YAXŞI TURİZM ÖLKƏSİ SAYILIR
AZƏRTAC xarici KİV-lərə istinadla xəbər verir ki, Hindistan Asiyada ən yaxşı turizm ölkəsi kimi “World Travel Awards-2008” mükafatına layiq görülmüşdür.
1993-cü ildə təsis edilmiş mükafatın budəfəki təqdimetmə mərasimi Şanxayda keçirilmişdir. Xatırladaq ki, qalib dünyanın 160 ölkəsinin turizm bazarından olan 167 min turizm şirkəti operatoru və nəqliyyat müəssisəsi ekspertlərinin sorğusu əsasında müəyyən edilir.
Hindistan Turizm Nazirliyinin fikrincə, turizmi təbliğ edən “İnanılmaz Hindistan” adlı proqramı həyata keçirməklə, bu qələbəyə öz töhfəsini vermişdir.
YUNESKO-nun Dünyanın Mədəni İrsi siyahısına daxil olan 200-dən yuxarı abidə xarici turistlər arasında daha böyük marağa səbəb olur. Bu abidələrin arasında Aqradakı Tac-Mahal məqbərəsi, Dehlidə Humayun məqbərəsi, çoxsaylı məbədlər və qoruqlar xüsusi yer tutur. Ötən il həmin yerlərdə 2 milyon 90 min əcnəbi turist olmuşdur.
Bölmənin digər xəbərləri
