HİNDİSTAN PAKİSTANA SÜLH, TƏHLÜKƏSİZLİK VƏ DOSTLUQ MÜQAVİLƏSİ TƏKLİF ETMİŞDİR
Hindistanın təklifinə görə, tərəflər çərçivə sazişi bağlamalıdır. Elə bir sənəd ki, bu, onların arasında münasibətləri yaxşılaşdıracaq, mübahisəli Kəşmir vilayətinin statusu kimi mürəkkəb məsələlərdə qarşılıqlı güzəştə getmək imkanını artıracaqdır.
Baş nazir iki ölkəni birləşdirən yeni avtobus marşrutunun açılış mərasimində demişdir: “Əminəm ki, biz irəliləyişə nail ola bilərik. Bundan ötrü reallıqları nəzərə almalı, keçmişi yada salmalı və firavan gələcəyə ümid bəsləməliyik”.
Xatırladaq ki, Hindistan və Pakistanın müstəqillik əldə etdiyi 1947-ci ildən onlar son dərəcə gərgin münasibətdədir və bu, dəfələrlə silahlı toqquşmalara və hətta tammiqyaslı müharibələrə gətirib çıxarmışdır. Hazırda hər iki ölkə nüvə silahına malikdir.
Bölmənin digər xəbərləri
