Hindistanda cari ildə COVID-19 virusuna ən az sutkalıq yoluxma qeydə alınıb
Pekin, 23 noyabr, AZƏRTAC
Hindistanda ötən sutka COVID-19 virusuna 7 min 579 yoluxma qeydə alınıb.
AZƏRTAC Hindistanın Səhiyyə Nazirliyinin məlumatına istinadla xəbər verir ki, bu, ötən il may ayından bəri sutkalıq ən aşağı yoluxma göstəricisidir. Ardıcıl 2 gündür ki, sutkalıq yoluxma sayı 10 mindən aşağı olub.
Nazirliyin məlumatına əsasən, hazırda ölkədə 113 min aktiv xəstə var. Bu rəqəm də ötən ilin iyun ayından bəri ən aşağı göstəricidir.
Qeyd edək ki, pandemiyadan ən çox əziyyət çəkən ölkələrdən biri olan Hindistan 34 milyon 526 min yoluxma ilə dünyada ümumi yoluxma sayına görə ABŞ-dan sonra 2-ci, 466 min ölüm ilə isə tələfat sayına görə Birləşmiş Ştatlar və Braziliyadan sonra üçüncüdür. Pandemiyanın pik dövrü olan may ayında sutkalıq yoluxma sayı 400 min, ölüm sayı isə 5 min civarında idi.
Hindistanda koronavirus əleyhinə vaksinasiya prosesi də sürətlə davam edir. İndiyədək əhaliyə 1,17 milyard doza peyvənd vurulub.
Şahin Cəfərov
AZƏRTAC-ın xüsusi müxbiri
Pekin
Bölmənin digər xəbərləri
