Hindistanda daşqın nəticəsində ölənlərin sayı 53 nəfərə yüksəlib
Bakı, 7 oktyabr, AZƏRTAC
Hindistanın şimal-şərqindəki su anbarlarının birində suyun səviyyəsinin artması səbəbindən baş verən daşqın nəticəsində həlak olanların sayı 53 nəfərə yüksəlib.
AZƏRTAC NDTV telekanalına istinadla xəbər verir ki, həlak olanların 7-si hərbçidir.
Hakimiyyət orqanlarının məlumatına görə, indiyədək 2 min 400 nəfər xilas edilib, itkin düşən 140-dan çox insanın axtarışı isə davam edir. Təbii fəlakət bölgəsində 1200-dən çox evə zərər dəyib.
Hindistan Hərbi Hava Qüvvələrindən bildiriblər ki, əlverişsiz hava şəraiti səbəbindən daşqın zonasındakı ərazilərə helikopterlərlə yardım çatdırmaq mümkün olmur.
Bölmənin digər xəbərləri
