Hindistanda dörd qolu və dörd ayağı olan körpə dünyaya gəlib
Bakı, 26 avqust, AZƏRTAC
Hindistanda dörd qolu və dörd ayağı olan körpə dünyaya gəlib.
AZƏRTAC xəbər verir ki, bu barədə “Need To Know” nəşri bildirib.
Avqustun 23-də Madhya Pradeş ştatının Lavkuşnaqar şəhərində 29 yaşlı qadının nadir xəstəlikdən əziyyət çəkən körpəsi dünyaya gəlib. Körpənin yuxarı sinə və qarın nahiyəsində əlavə cüt əzaları var idi. Həkimlər bunun hamiləlik dövründə körpənin içində inkişaf edən parazit əkiz olduğunu düşünürlər.
Yenidoğulmuş sağ qalıb və vəziyyəti sabitdir, təxminən üç kiloqram ağırlığındadır. Həkimlər hazırda müalicə strategiyası hazırlamaq üçün tam müayinə planlaşdırırlar.
Qeyri-adi uşağın doğulmasından sonra xəstəxananın qarşısında yeni doğulmuş körpəni görmək üçün izdiham olub. Hindistanda dindar insanlar çox vaxt bu cür anomaliyaları olan uşaqların Tanrının təcəssümü olduğuna inanırlar.
Bölmənin digər xəbərləri
