“Hökumətlərarası Təqaüd Proqramları” çərçivəsində 14 xarici tələbə BDU-da təhsil alacaq
Bakı, 14 oktyabr, AZƏRTAC
2024-2025-ci tədris ili üzrə “Hökumətlərarası Təqaüd Proqramları” (HTP) çərçivəsində Azərbaycanın ali məktəblərinə qəbul olan 47 nəfər xarici tələbədən 14-ü Bakı Dövlət Universitetində (BDU) təhsil alacaq.
Universitetdən AZƏRTAC-a verilən məlumata görə, onlardan 11 nəfəri Çin, 1-i Serbiya, 1-i Tacikistan, 1-i Rumıniya vətəndaşıdır.
Xarici tələbələr BDU-nun beynəlxalq münasibətlər, jurnalistika, sosial iş, regionşünaslıq, filologiya, ekologiya, riyaziyyat və təhsildə sosial-psixoloji xidmət ixtisasları üzrə təhsil almaq imkanı əldə ediblər.
Bölmənin digər xəbərləri
