Hulusi Akar: Qarabağ Zəfərinin həqiqətən Qafqazın tarixində çox önəmli yeri var
Bakı, 31 dekabr, AZƏRTAC
Qarabağ Zəfərinin həqiqətən Qafqazın tarixində çox önəmli yeri var. Bu, həm Türkiyə-Azərbaycan əlaqələri baxımından dönüş nöqtəsi oldu, həm də Qafqazın gələcəyi baxımından həqiqətən çox önəmli bir addım oldu.
AZƏRTAC xəbər verir ki, bu sözləri Türkiyənin milli müdafiə naziri Hulusi Akar Prezident İlham Əliyevlə görüşdə bildirib.
Nazir deyib: “Sizin də dediyiniz kimi, bu Zəfərin taclanması üçün, inşallah, ən qısa vaxtda Ortaq Mərkəzin fəaliyyətə başlamasından sonra Naxçıvan ilə Zəngilan arasında kommunikasiya xətti qurulacaq ki, bu da qardaşların bir-biri ilə sıx əlaqəsi - Türkiyənin, Naxçıvanın və Azərbaycanın fiziki olaraq bir-birinə bağlanması baxımından çox önəmlidir”.
Bölmənin digər xəbərləri
