HÜSNİ MÜBARƏK: “TERRORİZMİN BAŞLICA MƏNBƏYİ YOXSULLUQDUR”
Prezidenti Hüsni Mübarək hesab edir ki, “terrorizmin başlıca mənbəyi yoxsulluqdur”. O, bunu Fransa Prezidenti Jak Şirakın iştirakı ilə 13 Afrika liderinin Parisdə keçirilmiş görüşündə bildirmişdir. Görüş Afrika ölkələrinin iqtisadi inkişaf yollarını müzakirə etmək məqsədi ilə təşkil olunmuşdu.
Hüsni Mübarək inkişaf etmiş dövlətləri ”qara qitə” ölkələrinin iqtisadi vəziyyətinə ciddi diqqət yetirməyə” çağırmışdır. Misir lideri demişdir ki, “zəngin və yoxsul ölkələr arasındakı uçurum bundan sonra da belə dərinləşərsə, terrorizmə qarşı hazırkı müharibə bir neçə ildən sonra bütün dünyanı bürüyə bilər”.
İTAR-TASS-ın yaydığı xəbərə görə, sammitin gündəliyinin əsas mövzusu Afrika dövlətlərinin iqtisadi yüksəliş göstəricilərinin artırılmasının zəruriliyi idi. Problem Afrika qitəsinin dünya iqtisadi sisteminə inteqrasiyası baxımından müzakirə edilmişdir.
Bölmənin digər xəbərləri
