İki Azərbaycan cüdoçusu beynəlxalq reytinq cədvəlində liderliyini davam etdirir
Bakı, 20 oktyabr, AZƏRTAC
Beynəlxalq Cüdo Federasiyasının açıqladığı yeni reytinq cədvəli Azərbaycan millisi üçün uğurlu olub.
AZƏRTAC xəbər verir ki, yeni reytinq cədvəlində iki cüdoçumuz - Rüstəm Orucov (73 kq) və Elmar Qasımov (100 kq) liderliklərini qoruyub və birinci pillədə qərarlaşıblar.
Milli komandamızın digər üzvləri Orxan Səfərov (60 kq) üçüncü pillədə yer alıb, Fransa Qran-pri yarışlarını beşinci pillədə başa vuran Nicat Şıxəlizadə (66 kq) isə 7-ci pilləyə yüksəlib.
Həmçinin cüdoçularımızdan İlqar Müşkiyev (60 kq) 24-cü, dünya çempionu Elxan Məmmədov (100 kq) isə 22-ci pillədə qərarlaşıblar.
Bölmənin digər xəbərləri
