İKİ YOL-NƏQLİYYAT HADİSƏSİNDƏ ÜÇ NƏFƏR HƏLAK OLMUŞDUR
Daxili İşlər Nazirliyinin mətbuat xidmətindən AZƏRTAC-a bildirmişlər ki, sentyabrın 3-də saat 6.50 radələrində Xırdalan şəhərinin ərazisində Zaur Quliyevin idarə etdiyi “VAZ-2109” markalı və Elşən Qədirovun sürdüyü “ZİL-MMZ” markalı avtomaşınlar toqquşmuşdur. Nəticədə birinci nəqliyyat vasitəsində olan sərnişin Zahidə Quliyeva hadisə yerində ölmüş, xəsarət almış Z.Quliyev isə xəstəxanaya yerləşdirilmişdir.
Səbail rayonunun Badamdar qəsəbəsinin ərazisində Ramin Aslanovun idarə etdiyi “VAZ-21015” markalı və Mahir Məmmədovun idarə etdiyi “VAZ-2107” markalı avtomaşınlar toqquşmuşdur. Hadisə zamanı iki sərnişin - Aytac İsmayılova və Tural Qurbanov həlak olmuşlar.
Hər iki faktla bağlı cinayət işi açılmışdır, təhqiqat aparılır.
Bölmənin digər xəbərləri
