İkinci rübdə Gürcüstana gələn turistlərin sayı 2,7 faiz azalıb
Tbilisi, 30 iyul, AZƏRTAC
Cari ilin ikinci rübündə Gürcüstan ərazisinə 1,7 milyon beynəlxalq qeyri-rezident səyahətçi daxil olub. Bu da əvvəlki ilin eyni dövrü ilə müqayisədə 4,9 faiz azdır.
AZƏRTAC xəbər verir ki, bu barədə Gürcüstan Milli Statistika Xidməti məlumat yayıb.
Bildirilir ki, hesabat dövründə ölkəyə 1,2 milyon turist gəlib, bu da ötən ilin eyni dövrü ilə müqayisədə 2,7 faiz azdır. Beynəlxalq ziyarətçilərin 81,5 faizi yalnız turistlər olub.
İlin ikinci rübündə səfərlər zamanı çəkilən xərclər 3 milyard lari təşkil edib ki, bu da əvvəlki ilin eyni dövrü ilə müqayisədə 13,3 faiz azdır.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
