İKİTƏRƏFLİ ƏMƏKDAŞLIQ PLANI UĞURLA İCRA OLUNUR
Müdafiə Nazirliyinin mətbuat xidmətindən AZƏRTAC-a bildirmişlər ki, Azərbaycan ilə Türkiyə arasında imzalanmış ikitərəfli əməkdaşlıq planına uyğun olaraq, sentyabrın 1-dən 12-dək Altınova və Yalova şəhərində “Kiçikçaplı silahlar və hava hücumundan müdafiə silahları” kursu, sentyabrın 1-dən 26-dək Balıkəsir şəhərində Mina gəmilərində növbə zabitinin təlim kursu, sentyabrın 1-dən noyabrın 14-dək Egirdir və İsparta şəhərində Komando təməl kursu, cari il sentyabrın 1-dən 2013-cü il sentyabrın 1-dək Ankarada “Oftalmologiya üzrə ixtisas təlimi” keçirilir.
2008-ci il sentyabrın 4-dən 2009-cu il fevralın 4-dək İstanbul şəhərində “HHM zabitləri üçün təməl kursu”, “Zabitlər üçün hava nəqliyyatı üzrə kurs”, sentyabrın 8-dən oktyabrın 17-dək Foça və İzmir şəhərində Desant gəmilərində növbə zabitinin təlim kursu, Dəniz piyadası taborunun zabitlərinin amfibiya təməl kursu, bu il sentyabrın 8-dən 2009-cu il iyunun 19-dək İzmir şəhərində “Orta səviyyəli ingilis dili kursu”, 2008-ci il sentyabrın 8-dən 2009-cu il iyulun 31-dək “Başlanğıc ingilis dili kursu” keçiriləcəkdir.
Əməkdaşlıq planına uyğun olaraq tədbirlərdə Azərbaycan Silahlı Qüvvələrinin nümayəndələri də iştirak edirlər.
Bölmənin digər xəbərləri
