“İLİN BƏDİİ ƏSƏRİ” MÜKAFATI TƏQDİM EDİLDİ
Fevralın 12-də Azərbaycan Yazıçılar Birliyinin Natəvan adına klubunda “525-ci qəzet”in 2001-ci il üçün təsis etdiyi “İlin bədii əsəri” mükafatının təqdimat mərasimi keçirilmişdir.
Qəzetin baş redaktoru Rəşad Məcid mərasimi acaraq bildirdi ki, mükafatı təsis etməkdən başlıca məqsəd ədəbi prosesə diqqəti artırmaqdan ibarətdir. O, ötən il qəzetdə bir sıra bədii əsərlərin- şer və hekayələrin dərc olunması da həmin məqsədə xidmət edir və bu ənənə gələcəkdə də davam etdiriləcəkdir. Sonra o, “İlin bədii əsəri” mükafatına xalq yazıçısı Elçinin “Sarı gəlin” hekayəsinin layiq görüldüyünü bildirdi və mükafatı müəllifə təqdim etdi.
BDU-nun jurnalistika fakultəsinin kafedra müdiri Cahangir Məmmədlı milli mənəvi dəyərlərimizi qorumağa səsləyən “Sarı gəlin” hekayəsinin bədii xüsusiyyətlərindən danışdı.
Yazıçılar Birliyinin sədri, Milli Məclisin deputatı Anar, kinorejissor Tofiq İsmayılov və başqaları Elçini təbrik etdilər, ona yaradıcılıq uğurları arzuladılar.
Axırda xalq yazıçısı Elçin cıxış edərək, “525-ci qəzet”in kollektivinə, mərasim iştirakçılarına minnətdarlığını bildirdi.
Bölmənin digər xəbərləri
