İNGİLTƏRƏ YIĞMASININ HÜCUMÇUSU ƏDƏBİYYAT SAHƏSİNDƏ REKORD VURMUŞDUR
20 yaşlı oyunçunun Britaniyanın “Harper Kollins” nəşriyyatı ilə bağladığı sazişin şərtlərinə görə, o, yaxın 12 ildə azı 5 kitab yazmalı və buna görə 5 milyon funt sterlinq almalıdır. Runinin birinci kitabı artıq bu ilin iyul ayında işıq üzü görəcəkdir. Futbolçu bu kitabında öz həyatından və futbol karyerasından, o cümlədən 2006-cı il dünya çempionatında iştirakından söhbət açacaqdır. Runi demişdir: “İnsanlar üçün bütün bunları bilavasitə mənim özümdən öyrənmək maraqlı olar. Adətən, mənim haqqımda düzgün rəy yaradılmır. Əslində isə mən futbol oynamağı çox sevən adi oğlanam”.
Növbəti 4 kitab da avtobioqrafik xarakter daşıyacaq və hücumçunun idman karyerasının davamından bəhs edəcəkdir. İngiltərə Milli Futbol Muzeyinin bu yaxınlarda keçirdiyi sorğuda iştirak edən Runi etiraf etmişdir ki, onun özü Harri Potter haqqında kitabları daha çox sevir.
Bölmənin digər xəbərləri
