İNSAN HÜQUQLARI SAHƏSİNDƏ ƏMƏKDAŞLIQ GENİŞLƏNİR
Ombudsman Aparatının mətbuat xidmətindən AZƏRTAC-a bildirmişlər ki, müvəkkil ölkədə insan hüquqlarının qorunması sahəsində görülmüş işlər, təsisatın bu istiqamətdə fəaliyyəti barədə qonağa məlumat vermişdir. O, Ombudsman təsisatının BMT-nin müvafiq qurumları ilə sıx əlaqələr qurduğunu, insan hüquqları sahəsində birgə layihələrin gerçəkləşdirildiyini, silsilə tədbirlərin keçirildiyini diqqətə çatdırmışdır.
Qonaq təmsil etdiyi qurumda Cənubi Qafqaz ölkələri üzrə əlaqələndirici olduğunu söyləmiş, ölkəmizə səfərinin məqsədini açıqlamış, Ali Komissarlıqda Azərbaycan üzrə strateji planın hazırlandığı və bununla bağlı ombudsmanın mülahizələrinin faydalı olacağını qeyd etmişdir.
E.Süleymanova BMT-nin İnsan Hüquqları üzrə Ali Komissarlığı ilə birlikdə “Minilliyin məqsədləri və insan hüquqları təsisatları” mövzusunda seminar keçirilməsini də təklif etmiş, İnsan Hüquqları üzrə Milli Fəaliyyət Planının hazırlanmasında, İnsan Hüquqları Evinin yaradılmasında Ali Komissarlığın dəstəyinə ehtiyac olduğunu vurğulamışdır.
Bölmənin digər xəbərləri
