“İNTER”İN ÇEMPİONLAR LİQASI TURNİRİNDƏ NÖVBƏTİ RƏQİBİ SERBİYANIN “PARTİZAN” KLUBU OLACAQDIR
Tarixində ilk dəfə olaraq Çempionlar Liqası turnirində çıxış edən Bakının “İnter” klubunun ikinci mərhələdə rəqibi Serbiyanın “Partizan” klubu olacaqdır.
Xatırladaq ki, Azərbaycan çempionu Makedoniyanın “Rabotniçki” komandasına iki oyunun nəticəsində qalib gələrək növbəti mərhələyə vəsiqə qazanmışdır.
Bir həftə əvvəl Bakıda ilk oyundan (0:0) fərqli olaraq Makedoniyadakı cavab qarşılaşması gərgin idman mübarizəsi şəraitində keçmişdir. Doğma meydan amilindən istifadə edən makedoniyalılar oyunboyu üstünlüyə malik idilər. Görüşdə hesabı da meydan sahibləri açdılar. İkinci hissə başlanan kimi “Rabotniçki”nin ilk hücumu qolla nəticələndi.
Həm meydan sahiblərinin, həm azarkeşlər oyunun bu hesabla başa çatacağını düşündüyü məqamda Vladislav Çervenkonun 77-ci dəqiqədə qolu “İnter”i növbəti mərhələyə yüksəltdi.
Gərginliyi ilə yadda qalan görüşün son dəqiqələrində bir-birinə qarşı kobudluğa görə hər iki komandanın oyunçusu qırmızı vərəqə ilə cəzalandırıldılar. “İnter”in əsas futbolçularından biri Valter Quqlemon “Partizan”la növbəti oyunu buraxmalı olacaqdır.
Bölmənin digər xəbərləri
