İNTERNET ÖLKƏNİN İNKİŞAFINA XİDMƏT EDƏCƏK
Yaxın günlərdə ölkəmizdə informasiya-kommunikasiya texnologiyalarından istifadəyə dair milli strategiyanın tammiqyaslı həyata keçirilməsi prosesi başlanacaqdır. Bu strategiyanın əsas təşəbbüsçüsü BMT-nin İnkişalf Proqramıdır /BMTİP/.
BMTİP-in Azərbaycandakı ofisindən verilən məlumata görə, bu təştkilat özünün peyk rabitəsinədən istifadə edərək, bəzi dövlət təşkilatlarının İnternetə daxil olmasına imkan verən layihəni artıq maliyyələşdirməkdir. Həmin strategiyanın həyata keçirilməsinə başlanıldıqdan sonra informasiyanın istifadəçiləri ilə informasiyanı verənlər arasında əlaqə yaradılmasına dair fəaliyyət gücləndiriləcəkdir. Məsələn, BMTİP-in və ölkənin dövlət strukturlarının birgə həyata keçirdiyi proqramda dövlətin İnternet vasitəsilə göstərdiyi xidmətlərin təşviq edilməsi nəzərdə tutulur.
İnformasiya-kommunikasiya texnologiyalarının inkişafının milli strategiyasının BMTİP tərəfindən dərc edilmiş layihəsində təhsil sektorunda İnternetdən istifadənin miqyasının genişləndirməyin zəruriliyi xüsusi vurğulanır. Azərbaycanın dörd ən iri universitetinin hazırda Beynəlxalq informasiya şəbəkəsinə daxil olmağın müasir tələblərinə cavab verməyən maddi bazasının genişləndirilməsi də nəzərdə tutulur.
Bölmənin digər xəbərləri
