“İnvestor” Stimullaşdırıcı lotereyasının üçüncü tirajının qalibləri müəyyənləşib
Bakı, 14 sentyabr, AZƏRTAC
Sentyabrın 14-də Bakı Fond Birjasının inzibati binasında “İnvestor” Stimullaşdırıcı lotereyasının üçüncü tirajı keçirilib.
Fonddan AZƏRTAC-a bildirilib ki, üçüncü tirajda iyulun 13-dən sentyabrın 13-dək müvafiq şərtləri ödəyən lotereya biletləri oynanılıb və biletlərin içərisindən üç şanslı investor seçilərək hər biri 1000 manat qazanıb.
“İnvestor” Stimullaşdırıcı lotereyası ümumilikdə 4 tirajdan ibarətdir və İnvestisiya Şirkətləri vasitəsilə Bakı Fond Birjasından korporativ istiqraz alan, 18 yaşı tamam olmuş şəxslərə 1000 manat qazanmaq şansı təqdim edir.
“İnvestor” Stimullaşdırıcı lotereyası bu il martın 9-da başlayıb və noyabrın 15-dək 4 tirajda keçiriləcək. İlk tiraj mayın 10-da olub. İkinci tiraj iyulun 13-də keçirilib.
Bölmənin digər xəbərləri
