İQTİSADİ İNKİŞAF NAZİRLİYİ SAHİBKARLIĞIN İNKİŞAFI VƏ DÖVLƏT ƏMLAKININ İDARƏ OLUNMASI DEPARTAMENTİNİN MƏLUMATI
Sahibkarlığın inkişafı və dövlət əmlakının idarə olunması departamenti daxili mənbələrlə yanaşı, xarici mənbələrdən də əlverişli şərtlərlə kredit resurslarının cəlb edilməsi məqsədi ilə beynəlxalq və xarici ölkə maliyyə-kredit təşkilatları ilə əməkdaşlıq əlaqələrinin yaradılması sahəsində ardıcıl, məqsədyönlü iş aparır.
BMT-nin İnkişaf Proqramı, Dünya Bankı, TACİS, GTZ, UNİDO, QDİƏT kimi təşkilatlarla geniş əməkdaşlıq həyata keçirilir. Hazırda BMT-nin Sənaye İnkişafı Təşkilatı (UNİDO) ilə ölkəmizdə sahibkarlığın inkişafı sahəsində texniki əməkdaşlıq layihəsinin həyata keçirilməsi barəsində danışıqlar aparılır.
BMT-nin Sənaye İnkişafı Təşkilatı (UNİDO) ilə sahibkarlığın inkişafı strategiyasının hazırlanması sahəsində beynəlxalq layihənin həyata keçirilməsi barəsində razılıq əldə edilmiş və 2002-ci ildə həmin məqsəd üçün 200 min ABŞ dolları məbləğində maliyyə vəsaitinin ayrılması nəzərdə tutulur. Layihə Azərbaycan, Qırğızıstan və Özbəkistan respublikalarında eyni vaxtda həyata keçiriləcəkdir.
MDB üzvü olan ölkələrdə kiçik sahibkarlığın inkişafı və dəstəklənməsi üzrə Məsləhət Şurasının XIII iclasının və “MDB-Tərəfdaşlıq” forumunun 2002-ci ilin sentyabr-oktyabr aylarında Bakı şəhərində keçirilməsi nəzərdə tutulur.
Bölmənin digər xəbərləri
