İQTİSADİ İNKİŞAF NAZİRLİYİNİN MƏLUMATI
İqtisadi İnkişaf Nazirliyinin Dövlət əmlakının özəlləşdirilməsi departamenti dövlət əmlakından səmərəli istifadə olunması ilə bağlı qanunvericilikdə nəzərdə tutulmuş tədbirlərin həyata keçirilməsini davam etdirir. Belə ki, dövlət əmlakından hüquqi əsas olmadan istifadə, icarə haqqını ödəməkdən yayınma hallarının aradan qaldırılması, dövlət müəssisələrinə məxsus boş sahələrdən səmərəli istifadə üçün müvafiq tədbirlərin həyata keçirilməsi dövlət büdcəsinə daxilolmaların artmasına şərait yaratmışdır.
Ötən il dövlət əmlakının icarəyə verilməsinə dair Bakı şəhəri üzrə 930, respublikanın digər şəhər və rayonları üzrə 515 icarə müqaviləsi bağlanmışdır. İl ərzində dövlət əmlakının icarəyə verilməsi üzrə müddəti başa çatmış 901 müqavilənin müddəti uzadılmışdır.
Həyata keçirilən tədbirlərin nəticəsidir ki, 2001-ci ildə dövlət əmlakının icarəsindən büdcəyə 11 milyard 669 milyon manat vəsait köçürülmüşdür.
Dövlət əmlakının icarəsindən büdcəyə daxilolmalar üzrə müəyyən edilmiş illik tapşırığa 116,7 faiz əməl olunmuşdur.
Departament dövlət əmlakının icarəsindən büdcəyə daxilolmaların artırılması istiqamətində müvafiq tədbirlərin həyata keçirilməsini davam etdirir.
Bölmənin digər xəbərləri
