İQTİSADİ İNKİŞAF NAZİRLİYİNİN MƏLUMATI
İqtisadi Əməkdaşlıq və İnkişaf Təşkilatının (İƏİT-OESD) himayəsi altında müstəqil ekspertlər tərəfindən dünya ölkələrinin risklik səviyyələri müəyyən edilmişdir.
Elan edilmiş nəticələrə görə, Azərbaycan 6-cı dərəcəli risklik səviyyəsinə malik olmuşdur. Məlum olduğu kimi, 2000-ci ilin sonunda Azərbaycanın risklik səviyyəsi 7-ci dərəcə idi. Başqa sözlə, 2001-ci ilin yekunlarına görə, Azərbaycanın risklik dərəcəsi bir pillə azalmışdır.
Müqayisə üçün qeyd edək ki, son dəyərləndirmələrə görə, Azərbaycan MDB dövlətləri arasında Rusiya və Qazaxıstanla eyni risklik dərəcəsinə malikdir. MDB-nin tərkibinə daxil olan digər ölkələrin risklik dərəcəsi isə 7-ci pillədə qalmaqda davam edir.
Xarici borcların qaytarılması baxımından, Azərbaycanın fəal ticarət tərəfdaşlarından olan Türkiyənin risklik dərəcəsi 6-dır.
Azərbaycan iqtisadiyyatının ardıcıl inkişafı, həyata keçirilən islahatlar ölkənin risklik dərəcəsinin azalmasına təsir edən amillərdəndir.
Bölmənin digər xəbərləri
