İQTİSADİ SİYASƏT DAİMİ KOMİSSİYASININ İCLASINDA

27.12.2005 [20:56]
Çap et
A⁺ A^-

AZƏRTAC xəbər verir ki, Milli Məclisin iqtisadi siyasət daimi komissiyasının dekabrın 27-də keçirilən iclasında “Azərbaycan Respublikası Hökuməti və Kanada Hökuməti arasında gəlirlərə və əmlaka görə vergilərə münasibətdə ikiqat vergitutmanın aradan qaldırılması və vergitutmadan yayınmanın qarşısının alınması haqqında Konvensiyanın və onun Protokolunun təsdiq edilməsi barədə” qanun layihəsi və cari məsələlər müzakirə olunmuşdur.

Komissiyanın sədri Ziyad Səmədzadə demişdir ki, bu sənəd iki ölkə arasında iqtisadi-ticarət əlaqələrinin inkişafına, sərmayə qoyuluşunun artımına, vergidən yayınma hallarının qarşısının alınmasına səbəb olacaqdır. Deputatlar layihə ilə bağlı rəy və təkliflərini bildirdikdən sonra sənədin təsdiqlənmək üçün Milli Məclisin müzakirəsinə çıxarılması qərara alınmışdır.

Komissiya, həmçinin, Səttar Səfərovun Hesablama Palatasının auditoru təyin edilməsi məsələsinə baxmış və müsbət qərar çıxarmışdır.