İRAN 188 İRAQ HƏRBİ ƏSİRİNİ AZAD ETMİŞDİR
Sinxua agentliyinin yaydığı xəbərə görə, İran 188 İraq hərbi əsirini azad etmişdir. Buna cavab olaraq İraq 50 iranlını azadlığa buraxmışdır.
İraq informasiya agentliyi xəbər verir ki, bu, mübadilə edilən ilk həbi əsirlər qrupudur. İran bazar ertəsindən başlayaraq üç gün ərzində 697 əsiri azad etməyə razılıq vermişdir.
1980-1988-ci illərdəki İran-İraq müharibəsində hər iki tərəfdən ümumilikdə bir milyona yaxın adam həlak olmuşdur. Çoxsaylı hərbi əsirlərin saxlanması və həlak olmuş hərbçilərin cənazələrinin gizlədilməsi barədə qarşılıqlı ittihamlar ikitərəfli münasibətlərin nizamlanmasına mənfi təsir göstərirdi. İraq və İran son zamanlar bir sıra razılaşmalar əldə edərək, ikitərəfli münasibətləri gələcəkdə yaxşılaşdırmaq məqsədi ilə bu problemi də həll etməyə hazır olduğlarını bildirmişlər.
Bölmənin digər xəbərləri
