İranda üç ton narkotik vasitə müsadirə olunub
Tehran, 29 yanvar, AZƏRTAC
İranda sərhədçilərlə polis əməkdaşlarının həyata keçirdikləri birgə əməliyyat nəticəsində Sistan-Bəlucistan vilayətində 3 ton narkotik vasitə müsadirə olunub.
AZƏRTAC xəbər verir ki, bu barədə jurnalistlərə sərhəd xidmətinin nümayəndəsi general Əhməd Əli Güdərzi məlumat verib.
O bildirib ki, daxil olan operativ məlumata əsasən xüsusi əməliyyat hazırlanaraq həyata keçirilib. Əməliyyatın nəticəsində yük avtomobilində 3 ton narkotik vasitənin və 10 ədəd “Kalaşnikov” avtomatının qanunsuz yollarla İran ərazisinə keçirilməsinin qarşısı alınıb.
General deyib ki, narkotik vasitələrin qaçaqmalçılığı ilə məşğul olan cinayətkar qruplar müasir silahları da almağa çalışırlar. Narkotik maddələrlə yanaşı, silah-sursatın da qanunsuz olaraq ölkəyə keçirilməsinin qarşısı qətiyyətlə alınır.
Rabil Kətanov
AZƏRTAC-ın xüsusi müxbiri
Tehran
Bölmənin digər xəbərləri
