İraq Suriya ilə sərhəd boyunca beton divarın tikintisini yekunlaşdırır

24.01.2026 [22:06]
Çap et
A⁺ A^-

Qahirə, 24 yanvar, AZƏRTAC

İraq Suriya ilə sərhəd boyunca beton divarın tikintisini yekunlaşdırmaq üzrədir.

AZƏRTAC xəbər verir ki, bu barədə İraq Silahlı Qüvvələrinin Baş Komandanının sözçüsü Sabah ən-Numan bu gün İraq Xəbər Agentliyinə bildirib: “Silahlı Qüvvələrin Baş Komandanı Suriya ilə beton divarın tikintisinin başa çatdırılması ilə bağlı göstəriş verib və hazırda işlərin 80 faizi tamamlanıb”.

Vurğulanır ki, divar termal kameralarla təchiz olunub və bununla yanaşı, sərhədboyu tikanlı məftillər qurulub və xəndəklər qazılıb.

Şıxəli Əliyev

AZƏRTAC-ın xüsusi müxbiri

Qahirə