İRAQ XALQI ÖLKƏNİN YENİ RƏHBƏRLİYİNİ SEÇƏCƏK
ABŞ-ın dövlət katibi Kolin Pauell bildirmişdir ki, İraq xalqı demokratik seçkilər vasitəsilə ölkənin yeni rəhbərliyini seçəcəkdir. Dövlət katibi Bi-Bi-Si teleşirkətinə verdiyi müsahibədə demişdir ki, Vaşinqton iraqlılara öz namizədini təklif etmək niyyətində deyildir. ABŞ-ın xüsusi nümayəndəsi Zalmay Xalilzod aprelin 15-də Ən-Nasiriyyə şəhərində İraq müxalifətinin təmsilçiləri ilə görüşəcəkdir. Görüş zamanı ABŞ-ın təyin etdiyi müvəqqəti hökuməti əvəz edəcək keçid hökumətinin yaradılması məsələsi müzakirə olunacaqdır. Bundan əvvəl Böyük Britaniyanın müdafiə naziri Ceff Hun bildirmişdir ki, Səddam Hüseynin BƏƏS partiyasının üzvləri də ölkənin bərpası işlərində iştirak edə bilərlər, cünki onların çoxunun süqut etmiş rejimin törətdiyi cinayətlərdə əli yoxdur.
Bölmənin digər xəbərləri
