İRAQDA ƏSİR DÜŞMÜŞ ÜÇ İTALİYALININ QOHUMLARI İMDAD DİLƏMİŞLƏR
AZƏRTAC-ın xarici informasiya agentliklərindən aldığı xəbərə görə, İraqda girov götürülmüş üç italiyalının qohumları onları əsir tutanlardan imdad diləmişlər. Əsirlərin qohumları and içirlər ki, italyanlar İraqa iş dalınca getmişlər, onların gəlişi heç bir ideoloji məqsəd daşımır və bu ölkənin sakinlərinə ziyan vurmaq fikrində deyildirlər.
Xatırladaq ki, aprelin 15-də italiyalı girovlardan biri qətlə yetirildikdən sonra, iraqlılar hər 48 saatdan bir əsirləri tək-tək öldürməklə hədələmişlər. Bundan əlavə, üsyançılar “əcnəbi işğalçıların” İraqdan çıxarılmasını tələb edirlər.
Bölmənin digər xəbərləri
