İRAQLI ŞƏRHÇİ SƏDDAM HÜSEYNİN HƏLAK OLDUĞUNU TƏSDİQLƏMİŞDİR

14.04.2003 [17:00]
Çap et
A⁺ A^-

AZƏRTAC-ın İTAR-TASS agentliyindən aldığı xəbərə görə, iraqlı siyasi şərhçi Əmir Nəffah aprelin 13-də Qətərin “Əl-Cəzirə” peyk telekanalının müxbirnə müsahibəsində Bağdadın Əl-Mənsur məhəlləsinin Amerika təyyarələri tərəfindən bombalanması nəticəsində Səddam Hüseynin həlak olduğu barədə informasiyanı təsdiqləmişdir.

Əmir Nəffah İraq rəhbərliyinin toplaşdığı yeri qoruyan şəxsin sözlərinə istinadla demişdir ki, ötən bazar ertəsi müşavirənin keçirildiyi yerə aviasiya zərbələri endirilməsi nəticəsində İraq prezidenti, onun hər iki oğlu və rejim rəhbərlərinin yarısı həlak olmuşlar.

Səddam Hüseynin və İraqın digər rəhbərlərinin həlak olması barədə aprelin 13-də İordaniyanın “Əd-Düstur” qəzeti də xəbər vermişdir.