“İRƏLİ” ÜMUMRESPUBLİKA GƏNCLƏR HƏRƏKATI MƏDƏNİ-KÜTLƏVİ TƏDBİR KEÇİRMİŞDİR
AZƏRTAC xəbər verir ki, avqustun 14-də “İrəli” Ümumrespublika Gənclər Hərəkatı yaranmasının üç illiyi ərəfəsində mədəni-kütləvi tədbir keçirmişdir.
Hərəkatın həmtəsisçilərindən olan Ceyhun Osmanlı demişdir ki, hazırda 6 minə yaxın üzvü olan, 20 ali məktəbi, 30 regionu əhətə edən “İrəli” Azərbaycanın ən böyük gənclər təşkilatlarındandır. Biz 60-dan çox beynəlxalq təşkilatla əməkdaşlıq edirik. Qarşılıqlı əməkdaşlıq çərçivəsində ildə 200-dək üzvümüzün xarici ölkələrdə təşkil edilən proqramlarda iştirakı təmin olunur. Hərəkat Azərbaycan Prezidenti İlham Əliyevin daxili və xarici siyasət xəttinin gənclər arasında səmərəli təbliğinə çalışır. Bu məqsədi daha da kütləviləşdirmək üçün ötən ilin dekabrından “İlhamla irəli” kampaniyasına başlamışıq. Hazırda bu aksiyaya qoşulanların sayı 20 minə çatmışdır.
Tədbir gənc ifaçıların konsert proqramı ilə davam etdirilmişdir.
######
 |
 |
Bölmənin digər xəbərləri
