İslamabadda Xocalı faciəsi ilə bağlı silsilə tədbirlər keçiriləcəkdir
İslamabad, 20 fevral (AZƏRTAC). Pakistanın paytaxtı İslamabadda Xocalı faciəsi ilə bağlı silsilə tədbirlər keçiriləcək, ölkə mətbuatında qətliama dair bir sıra materiallar yayılacaqdır.
Pakistanın Preston Universitetində “Xocalı soyqırımı: ədalət axtarışında” adlı mərasim keçiriləcəkdir.
Tədbirdə Pakistanın tanınmış ictimai-siyasi xadimləri, senatorlar, ziyalılar, aparıcı universitetlərin rektorları, diplomatlar, jurnalistlər iştirak edəcəklər. Azərbaycanın Pakistandakı səfiri Daşqın Şikarov tədbirdə faciə haqqında ətraflı məlumat verəcəkdir.
Pakistanın ingilisdilli “Daily Times”, həmçinin urdu dilində nəşr olunan “Daily Pardez” qəzetlərində, “Metro Watch” İnformasiya Agentliyində səfir D.Şikarovun “Xocalı soyqırımı. Dünya ölkələri Pakistandan örnək götürməlidirlər” adlı məqaləsi dərc ediləcəkdir.
Bundan başqa, Pakistanın geniş auditoriyaya malik “GEO TV” və “Dünya TV” kanallarında Xocalı soyqırımına həsr edilmiş videomaterial nümayiş etdiriləcək, “Bari İmam” ziyarətgahında Xocalı qurbanların xatirəsinə ehsan veriləcəkdir.
Qulu Kəngərli
AZƏRTAC-ın xüsusi müxbiri
İslamabad
Bölmənin digər xəbərləri
