İSMAYILLI RAYONUNUN İKİ KƏNDİNƏ DƏ TƏBİİ QAZIN VERİLMƏSİ BƏRPA EDİLMİŞDİR
İsmayıllı rayonunun daha iki kəndinə təbii qazın verilməsi bərpa edilmişdir. Beləliklə, rayonda mavi yanacaqdan istifadə edən kəndlərin sayı 10-a çatmışdır.
AZƏRTAC xəbər verir ki, bu münasibətlə sentyabrın 2-də Göytəpə və İkinci Yeniyol kəndlərində keçirilmiş mərasimlərdə rayon icra hakimiyyətinin başçısı Nizami Ələkbərov və Milli Məclisin deputatı Novruzəli Aslanov ölkə Prezidenti İlham Əliyevin rəhbərliyi ilə son illər respublikada qazanılmış nailiyyətlərdən, insanların maddi rifahının yaxşılaşdırılması istiqamətində görülən işlərdən danışmış, sakinləri təbrik etmişlər. Rayonun digər kəndlərinə də təbii qazın verilməsi üçün tədbirlərin davam etdirildiyi vurğulanmışdır.
Bölmənin digər xəbərləri
