İSMAYILLIDA AQROSERVİS YARADILIR
AZƏRTAC-ın müxbiri xəbər verir ki, “Aqroservis F+S” MMC-nin sifarişi ilə “Nərimanov-sənayetikinti” ASC İsmayıllıda fəaliyyəti dayanmış Quşencə şirə emalı zavodunun həyətində aqroservis üçün binalar tikir. Burada inzibati bina, maşın və mexanizmlərin təmiri sexi və talvarlar olacaqdır. Yeni aqroservis ərazidə kənd təsərrüfatında işlədiləcək hər cür texnikaya operativ və yüksək keyfiyyətli xidmət göstərməklə, onların fasiləsiz işini təmin edəcəkdir. Fermerlər, eləcə də digər torpaq mülkiyyətçiləri aqroservisə ayrı-ayrı təsərrüfat kampaniyalarında istifadə olunacaq texnika da sifariş verəcəklər.
Bölmənin digər xəbərləri
