İsmayıllıda fındıq bağlarından 287 ton məhsul götürülüb
İsmayıllı, 11 noyabr, AZƏRTAC
İsmayıllı rayonunda fındıq yığımı başa çatıb, bağlardan 287 ton məhsul götürülüb.
Rayon Dövlət Aqrar İnkişaf Mərkəzindən AZƏRTAC-ın bölgə müxbirinə verilən məlumatda bildirilir ki, İsmayıllıda 2095 hektar fındıq bağı var. Bağların 87 hektarı bar verəndir. Cari ildə istehsal olunan məhsul ötənilki göstəricidən 6 ton çoxdur. Rayonda fındıqçılığın daha çox inkişaf etdiyi ərazilərdə, xüsusilə Topçu, Qalınçaq kənd, İsmayıllı şəhər icra nümayəndəliklərində cari ildə məhsuldarlıq daha yüksək olub.
Qeyd edək ki, dövlət başçısının ixracyönümlü məhsulların, o cümlədən fındıqçılığın inkişaf etdirilməsi ilə bağlı verdiyi tövsiyə və tapşırıqlara müvafiq olaraq son illər bağların sahəsi xeyli artırılıb. Belə ki, mövcud fındıq bağlarının 1900 hektarından çoxu son beş ildə salınıb.
Bölmənin digər xəbərləri
