İsmayıllının daha bir kəndi qazlaşdırılır
İsmayıllı, 8 iyun, AZƏRTAC
İsmayıllı rayonun Bizlan kəndinə ilk dəfə olaraq qaz xətti çəkilir. Yaşayış məntəqəsində 105 abonent var.
Rayon icra hakimiyyətinin informasiya təminatı və təhlili sektorundan AZƏRTAC-ın bölgə müxbirinə bildirilib ki, layihəyə görə, ümumilikdə, 9300 metr müxtəlif diametrli borudan istifadə ediləcək. Hazırda 108 və 76 millimetrlik daşıyıcı, 57 millimetrlik paylayıcı borular qaynaq olunur, dirəklər basdırılır. İşlər “Azəriqaz” İstehsalat Birliyi nəzdindəki “Azqaz İnşaat Servis” QSC tərəfindən icra olunur.
Qeyd edək ki, “Azərbaycan Respublikası regionlarının 2019-2023-cü illərdə sosial-iqtisadi inkişafı Dövlət Proqramı”na uyğun olaraq rayonun Zeyvə, Soltankənd və Qalagah kəndləri artıq qazlaşdırılıb. Bu ilin sonunadək Keyvəndi, Şəbiyan, Mücühəftəran, Ruşan və Enişdibi yaşayış məntəqələrinin də qazlaşdırılması nəzərdə tutulub.
Bölmənin digər xəbərləri
